టీమ్‌ఇండియా అసిస్టెంట్ కోచ్ పదవికి ర్యాన్ టెన్ రాజీనామా?

టీమ్‌ఇండియా అసిస్టెంట్ కోచ్ ర్యాన్ టెన్ డోషాటే ఇంగ్లాండ్ సిరీస్ అనంతరం తన పదవికి రాజీనామా చేసే ఆలోచనలో ఉన్నట్లు వార్తలు వినిపిస్తున్నాయి. వ్యక్తిగత కారణాలతో ఈ నిర్ణయం తీసుకోవాలని భావిస్తున్న ఆయన, ఇప్పటికే తన అభిప్రాయాన్ని బీసీసీఐ దృష్టికి తీసుకెళ్లినట్లు సమాచారం. అయితే ప్రధాన కోచ్ గౌతమ్ గంభీర్తో చర్చించిన తర్వాతే ఈ అంశంపై తుది నిర్ణయం తీసుకునే అవకాశం ఉందని తెలుస్తోంది.

ఇదిలా ఉండగా, కోచింగ్ సిబ్బందిలో మరిన్ని మార్పులు చోటుచేసుకునే అవకాశాలపై కూడా ప్రచారం సాగుతోంది. ముఖ్యంగా ఫీల్డింగ్ కోచ్ బాధ్యతల విషయంలో కూడా మార్పులు ఉండొచ్చనే ఊహాగానాలు వినిపిస్తున్నాయి. ఇంగ్లాండ్‌తో జరిగిన టీ20 సిరీస్‌లో భారత జట్టు ఎదుర్కొన్న పరాజయం అనంతరం ఈ చర్చలు మరింత ఊపందుకున్నాయి. అయితే ఈ విషయంపై ఇప్పటివరకు బీసీసీఐ లేదా టీమ్‌ఇండియా మేనేజ్‌మెంట్ నుంచి అధికారిక ప్రకటన వెలువడలేదు.