2026 క్యాండిడేట్స్ చెస్ టోర్నీ కి క్వాలి ఫై అయిన ప్రజ్ఞానంద

భారత చెస్ ప్రతిభావంతుడు ప్రజ్ఞానంద మరో ముఖ్యమైన విజయాన్ని తన ఖాతాలో నమోదు చేసుకున్నాడు. 2026 లో జరగనున్న క్యాండిడేట్స్ టోర్నీకి అతడు అర్హత సాధించాడు. ఫిడే సర్క్యూట్ టోర్నీలో విజయం సాధించడం వల్ల ఈ ప్రవేశం లభించింది. ఓపెన్ విభాగంలో భారత్ తరఫున పోటీపడబోయే ఏకైక ఆటగాడు ప్రజ్ఞానందే.

ఈ ఏడాది ప్రజ్ఞానంద ఫామ్ అద్భుతంగా ఉంది. అతడు ఇప్పటికే టాటా స్టీల్ మాస్టర్స్, సూపర్‌బెట్ క్లాసిక్, ఉజ్ కప్, లండన్ క్లాసిక్ వంటి ప్రతిష్టాత్మక టోర్నీలలో టైటిళ్లు సాధించాడు. అదనంగా, సింక్యూఫీల్డ్ కప్లో రన్నరప్‌గా నిలిచి మెరిశాడు.

ఎనిమిది మంది గ్రాండ్‌మాస్టర్లు పోటీపడే ఈ క్యాండిడేట్స్ టోర్నీకి ఇప్పటివరకు ఏడుగురు అర్హత సాధించారు. వారిలో  అనీష్ గిరి, ఫాబియనో కరువానా, మతియాస్ బ్లూబమ్, సిందరోవ్, వీయీ, ఆండ్రీ ఎసిపెంకో, మరియు ఇప్పుడు ప్రజ్ఞానంద ఉన్నారు. మిగిలిన ఎనిమిదో స్థానం కోసం ఆగస్టు 1, 2025 నుంచి జనవరి 1, 2026 వరకు ఉన్న కాలంలో ప్లేయర్ల ఫిడే రేటింగ్ సగటు ఆధారంగా అర్హత నిర్ణయించబడుతుంది. ఈ స్థానానికి అమెరికన్ గ్రాండ్‌మాస్టర్ హికరు నకముర ప్రధాన పోటీదారుడిగా భావిస్తున్నారు.

మహిళల విభాగంలో భారత్ గర్వించదగ్గ విషయం ఏమిటంటే దివ్య దేశ్‌ముఖ్, కోనేరు హంపి, వైశాలి ఇప్పటికే మహిళల క్యాండిడేట్స్ టోర్నీకి అర్హత పొందారు.