ఇషాంత్ శర్మ అంతర్జాతీయ కెరీర్ అనిశ్చితిలో

భారత క్రికెట్ చరిత్రలో అత్యుత్తమ ఫాస్ట్ బౌలర్లలో ఒకరైన ఇషాంత్ శర్మ అంతర్జాతీయ కెరీర్‌ ప్రస్తుతం క్లిష్ట దశలో ఉంది. 434 వికెట్లు పడగొట్టి, 2013 లో ఐసీసీ ఛాంపియన్స్ ట్రోఫీ విజయంలో కీలక పాత్ర పోషించిన ఆయనను గత ఐదు సంవత్సరాలుగా సెలెక్టర్లు పక్కన పెట్టారు. 37 ఏళ్ల వయసులో, జట్టు పక్కన పక్కన పెట్టడంతో రిటైర్మెంట్‌ మాత్రమే అతనికి మార్గంగా కనిపిస్తోంది.

ఇషాంత్ 100 కంటే ఎక్కువ టెస్ట్ మ్యాచ్‌లు ఆడిన అరుదైన పేసర్లలో ఒకరు. ఆయన గణాంకాలు అద్భుతం: 105 టెస్ట్‌లలో 311 వికెట్లు, 80 వన్డేల్లో 115 వికెట్లు, 14 టీ20ల్లో 8 వికెట్లు. నవంబర్ 2021 లో న్యూజిలాండ్‌తో జరిగిన కాన్పూర్ టెస్టులో చివరిసారిగా కనిపించి ఒక్క వికెట్ కూడా తీసుకోలేకపోయాడు. జస్‌ప్రీత్ బుమ్రా, మహ్మద్ సిరాజ్, ప్రసిద్ధ్ కృష్ణ, ఆకాశ్ దీప్ వంటి యువ బౌలర్ల ప్రబలమైన ప్రదర్శనలతో ఇషాంత్ జట్టులోకి తిరిగి రావడం చాలా కష్టం అయింది.