

టీమిండియా మాజీ కెప్టెన్, దిగ్గజ క్రికెటర్ ఎంఎస్ ధోనీ ఐపీఎల్లో ఆటగాడిగా తన ప్రస్థానానికి ముగింపు పలికారు. చెన్నై సూపర్ కింగ్స్ (CSK) ఆయనను జట్టు టీమ్ మెంటార్గా నియమించింది. ఐపీఎల్ 2027 సీజన్ నుంచి ధోనీ ఈ కొత్త బాధ్యతలు చేపట్టనున్నారు. సీఎస్కే అధికారికంగా ఈ విషయాన్ని ప్రకటిస్తూ.. జట్టు విజయాల్లో, కష్టకాలాల్లో ధోనీ కీలక పాత్ర పోషించారని గుర్తుచేసుకుంది. జట్టు ప్రారంభమైనప్పటి నుంచి ఆయనతో తమ అనుబంధం కొనసాగుతోందని, ఇకపై యువ ఆటగాళ్లకు మార్గనిర్దేశం చేస్తూ కొత్త తరం సూపర్ కింగ్స్ను తీర్చిదిద్దడంలో భాగస్వామి అవుతారని పేర్కొంది.

ఐపీఎల్లో ధోనీ తన కెరీర్లో మొత్తం 278 మ్యాచ్లు ఆడి 5,439 పరుగులు సాధించారు. 38.30 సగటు, 137.46 స్ట్రైక్రేట్తో పాటు 24 అర్ధశతకాలు నమోదు చేశారు. సీఎస్కేకు కెప్టెన్గా ఐదుసార్లు ఐపీఎల్ టైటిల్ అందించారు. ఆటగాడిగా మైదానంలో కనిపించకపోయినా, మెంటార్గా జట్టుతో తన అనుబంధాన్ని కొనసాగించనున్నారు. ధోనీ ఎప్పటికీ సీఎస్కే గుర్తింపులో భాగమేనని, చెన్నై ఆయనకు సొంత ఇల్లులాంటిదని ఫ్రాంచైజీ పేర్కొంది.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!