బిగ్‌బాస్ తెలుగు 10 :బిగ్‌బాస్ నుంచి సృష్టి అవుట్.. నాలుగు వారాల్లో ఎంత సంపాదించిందంటే?

బిగ్‌బాస్ తెలుగు 10లో మరో కీలక ఎలిమినేషన్ జరిగినట్లు తెలుస్తోంది. మోడల్‌గా కెరీర్ ప్రారంభించి, ‘అగ్నిపరీక్ష’ ద్వారా తెలుగు ప్రేక్షకులకు దగ్గరైన సృష్టి వ్యాకరణం నాలుగో వారంలో బిగ్‌బాస్ హౌస్ నుంచి ఎలిమినేట్ అయినట్లు సమాచారం. ఇతర నామినేట్ అయిన కంటెస్టెంట్లతో పోలిస్తే తక్కువ ఓట్లు రావడంతో ఆమె బయటకు వెళ్లినట్లు ప్రచారం జరుగుతోంది. సృష్టి తనదైన శైలిలో గేమ్ ఆడేందుకు ప్రయత్నించినప్పటికీ, ప్రేక్షకుల నుంచి ఆశించిన స్థాయిలో ఓటింగ్ మద్దతు పొందలేకపోయినట్లు తెలుస్తోంది. నాలుగో వారం డేంజర్ జోన్‌లో సృష్టితో పాటు దేబ్జానీ, అమన్ తదితరులు ఉన్నారు. చివరి వరకు ఓటింగ్ ట్రెండ్స్‌లో మార్పులు కనిపించినప్పటికీ, చివరకు సృష్టి ఎలిమినేట్ అయినట్లు సమాచారం.

సృష్టి బిగ్‌బాస్ జర్నీలో సుధీర్‌తో జరిగిన వివాదం ఎక్కువగా చర్చకు వచ్చింది. నామినేషన్ సమయంలో ఇద్దరి మధ్య మాటామాట పెరగడంతో పరిస్థితి ఉద్రిక్తంగా మారింది. సృష్టి ఆగ్రహంగా స్పందించడం, ఆమె చేసిన కొన్ని వ్యాఖ్యలు సోషల్ మీడియాలో చర్చకు దారితీశాయి. దీంతో ఆమె గేమ్‌పై ప్రేక్షకుల్లో భిన్నాభిప్రాయాలు ఏర్పడ్డాయని ప్రచారం జరిగింది. మరోవైపు రెండో వారంలోనే హోస్ట్ నాగార్జున్ ఆమె గేమ్‌పై మరింత ఫోకస్ పెట్టాలని, హౌస్‌లో తన ఉనికిని బలంగా చూపించాలని సూచించారు. మోడలింగ్ తర్వాత ‘అగ్నిపరీక్ష’ ద్వారా గుర్తింపు తెచ్చుకున్న సృష్టి.. అదే ప్రయాణంతో బిగ్‌బాస్ తెలుగు 10లో అవకాశం దక్కించుకుంది. ఆమెకు బిగ్‌బాస్‌లో వారానికి సుమారు రూ.75 వేల రెమ్యునరేషన్ లభించినట్లు ప్రచారం జరుగుతోంది. ఈ లెక్కన నాలుగు వారాలకు దాదాపు రూ.3 లక్షలు వచ్చినట్లు అంచనా. ‘అగ్నిపరీక్ష’ ద్వారా సుమారు రూ.50 వేల వరకు పారితోషికం అందుకున్నట్లు కూడా సమాచారం. అయితే ఈ రెమ్యునరేషన్ వివరాలు అధికారికంగా ధృవీకరించబడలేదు.