11 నిమిషాలు ఉండి వెళ్లిపోయారు: ఏపీ స్పీకర్‌ అయ్యన్న

ఏపీ అసెంబ్లీ ఆవరణలో గవర్నర్ ప్రసంగం సందర్భంగా చోటు చేసుకున్న పరిణామాలపై స్పీకర్ అయ్యన్నపాత్రుడు స్పందించారు. వైసీపీ సభ్యులు సభకు హాజరై కాసేపు నిరసన వ్యక్తం చేసి బయటకు వెళ్లిన నేపథ్యంలో, అసెంబ్లీ లాబీలో మీడియాతో మాట్లాడిన స్పీకర్ ఈ అంశాన్ని సరదాగా ప్రస్తావించారు. సభా సంప్రదాయాలు, సభ్యుల హాజరు తీరుపై ఆయన వ్యాఖ్యలు ఆసక్తికరంగా మారాయి.

ఈ సందర్భంగా అయ్యన్నపాత్రుడు మాట్లాడుతూ, “11 వ తేదీన 11 మంది సభ్యులు వచ్చి కేవలం 11 నిమిషాలు మాత్రమే సభలో ఉండి వెళ్లిపోయారు. అంతకుమించి ఎక్కువ సమయం లేరుగా” అంటూ చమత్కారంగా వ్యాఖ్యానించారు. ఈ వ్యాఖ్యలు రాజకీయ వర్గాల్లో చర్చకు దారి తీశాయి.