ఏపీలో రేపటి నుంచి పంచాయతీ ఎన్నికల నామినేషన్ల స్వీకరణ

ఆంధ్రప్రదేశ్‌లో పంచాయతీ ఎన్నికల ప్రక్రియలో కీలక ఘట్టం ప్రారంభం కానుంది. రేపటి నుంచి ఎన్నికల్లో పోటీ చేసే అభ్యర్థుల నుంచి నామినేషన్ల స్వీకరణ చేపట్టనున్నారు. ఈ నెల 17వ తేదీ నామినేషన్ల దాఖలుకు తుది గడువుగా నిర్ణయించారు. 18న నామినేషన్ల పరిశీలన నిర్వహించనున్నారు. ఎన్నికల బరిలో నిలవాలనుకునే అభ్యర్థులు నిర్ణీత గడువులోగా తమ నామినేషన్లను సమర్పించాల్సి ఉంటుంది.

నామినేషన్ల తిరస్కరణపై అభ్యంతరాలుంటే ఈ నెల 19న అప్పీళ్లు దాఖలు చేసుకోవచ్చు. వాటిని 20న పరిష్కరించనున్నారు. అనంతరం 21వ తేదీ మధ్యాహ్నం 3 గంటల వరకు అభ్యర్థులు తమ నామినేషన్లను ఉపసంహరించుకునేందుకు అవకాశం కల్పించారు. ఈ గడువు ముగిసిన తర్వాత ఎన్నికల బరిలో నిలిచే అభ్యర్థుల తుది జాబితా స్పష్టమవుతుంది.