నర్సంపేట కు కెసిఆర్

బీఆర్ఎస్ అధినేత, మాజీ ముఖ్యమంత్రి కేసీఆర్ ఈ నెల 9వ తేదీన వరంగల్ జిల్లా నల్లబెల్లికి వెళ్లనున్నారు. ఇటీవల మృతి చెందిన మాజీ ఎమ్మెల్యే పెద్ది సుదర్శన్ రెడ్డి కుటుంబ సభ్యులను పరామర్శించనున్నారు. పెద్ది సుదర్శన్ రెడ్డి సేవలను గుర్తు చేసుకుంటూ బీఆర్ఎస్ పార్టీ ఈ నెల 9, 10 తేదీల్లో సంస్మరణ సభలను నిర్వహించనుంది.

ఈ సంస్మరణ కార్యక్రమాల్లో బీఆర్ఎస్ వర్కింగ్ ప్రెసిడెంట్ కేటీఆర్ 9వ తేదీన, మాజీ మంత్రి హరీశ్ రావు 10వ తేదీన పాల్గొననున్నారు. పార్టీ నాయకులు, కార్యకర్తలు పెద్ద సంఖ్యలో హాజరై పెద్ది సుదర్శన్ రెడ్డికి నివాళులు అర్పించనున్నారు.