సిట్ విచారణ పై కేసీఆర్ బావోద్వేగం

సిట్ విచారణ నేపథ్యంలో మాజీ ముఖ్యమంత్రి కేసీఆర్ భావోద్వేగానికి లోనయ్యారు. భోజన సమయంలో మాట్లాడిన ఆయన, తెలంగాణ ప్రత్యేక రాష్ట్ర ఉద్యమానికి తాను ఊపిరిపోసిన రోజులను గుర్తుచేసుకున్నారు. ఉద్యమాన్ని ముందుకు నడిపేందుకు అనేక త్యాగాలు చేశానని, ఆ పోరాటం తన జీవితంలో అత్యంత కీలక అధ్యాయమని అన్నారు.

తెలంగాణ రాష్ట్ర సాధన కోసం వ్యూహ రచన చేసిన అదే గదిలో ఇప్పుడు విచారణను ఎదుర్కోవాల్సి వస్తుందని కలలో కూడా ఊహించలేదని కేసీఆర్ ఆవేదన వ్యక్తం చేశారు. ఆ గదిలోనే ఎన్నో నిద్రలేని రాత్రులు గడిపానని, అనేక మందితో కీలక చర్చలు జరిపానని గుర్తు చేసుకున్నారు. అదే గదిలో ఇప్పుడు విచారణ ఎదుర్కోవడం దురదృష్టకరమని అన్నారు.