సీఎం రేవంత్ రెడ్డిపై హరీశ్ రావు తీవ్ర విమర్శలు

మాజీ మంత్రి, బీఆర్‌ఎస్ డిప్యూటీ ఫ్లోర్ లీడర్ హరీశ్ రావు సీఎం రేవంత్ రెడ్డిపై తీవ్ర స్థాయిలో విమర్శలు గుప్పించారు. సీఎం మాటల్లో అబద్ధాలు, దూషణలు, అనుచిత వ్యాఖ్యలు కనిపిస్తున్నాయని ఆరోపించారు. రైతుల సమస్యలపై మాట్లాడిన తీరు సరైనది కాదని, గోదావరి నీటి అంశంలో విరుద్ధ వ్యాఖ్యలు చేస్తున్నారని అన్నారు. సాగునీటి విషయాల్లో సాంకేతిక అవగాహన లోపిస్తున్నదని కూడా విమర్శించారు.

ఇరిగేషన్ అంశాలపై ప్రభుత్వం పారదర్శకత చూపాలని హరీశ్ రావు డిమాండ్ చేశారు. ఎల్లంపల్లి ప్రాజెక్టు సహా పలు ప్రాజెక్టుల అభివృద్ధి బీఆర్‌ఎస్ ప్రభుత్వం చేసినదేనని చెప్పారు. నీళ్లు ఎత్తకపోతే విద్యుత్ ఉత్పత్తి, వ్యవసాయం దెబ్బతింటాయని హెచ్చరించారు. కాళేశ్వరం ప్రాజెక్టు ఖర్చులపై కూడా సీఎం తప్పుదారి పట్టిస్తున్నారని ఆరోపించారు.