వైసీపీ మాజీ ఎంపీ విజయసాయి రెడ్డికి ఈడీ నోటీసులు..

ఏపీ లిక్కర్ స్కామ్ కేసులో వైసీపీ మాజీ ఎంపీ విజయసాయి రెడ్డికి ఎన్‌ఫోర్స్‌మెంట్ డైరెక్టరేట్ (ఈడీ) నోటీసులు జారీ చేసింది. ఈ నెల 22 వ తేదీన ఈడీ ఎదుట హాజరుకావాలని ఆదేశిస్తూ నోటీసుల్లో పేర్కొంది. ఇప్పటికే ఈ కేసులో విస్తృతంగా దర్యాప్తు చేపట్టిన ఈడీ అధికారులు, ఇప్పుడు కీలక రాజకీయ నేతలపై దృష్టి సారించినట్లు సమాచారం.

లిక్కర్ పాలసీ అమలు సమయంలో భారీ స్థాయిలో అక్రమ లావాదేవీలు, హవాలా మార్గంలో నిధుల చలామణి, మనీ లాండరింగ్ జరిగాయని ఈడీ అనుమానిస్తోంది. ఈ వ్యవహారంలో రాజకీయ నాయకులు, ప్రభుత్వ అధికారులు, ప్రైవేట్ వ్యక్తుల పాత్ర ఉందని అధికారులు భావిస్తున్నారు. ఈ నేపథ్యంలో విజయసాయి రెడ్డికి నోటీసులు జారీ కావడం రాజకీయ వర్గాల్లో చర్చనీయాంశంగా మారగా, ఆయన పాత్రపై వివరణ కోరినట్లు తెలుస్తోంది. కీలక ఆధారాల ఆధారంగా ఈడీ తదుపరి చర్యలకు సిద్ధమవుతోందని సమాచారం.