తమిళనాడు ఎన్నికల్లో డీఎంకే – కాంగ్రెస్ మళ్లీ కలసి పోటీ? సీట్ల పంపకాలపై కీలక నిర్ణయం

తమిళనాడు అసెంబ్లీ ఎన్నికల నేపథ్యంలో డీఎంకే మరియు కాంగ్రెస్ మళ్లీ కలిసి పోటీ చేయడం దాదాపు ఖాయమైంది. సీట్ల పంపకాలలో భాగంగా కాంగ్రెస్‌కు 28 అసెంబ్లీ సీట్లు మరియు ఒక రాజ్యసభ సీటును డీఎంకే ఆఫర్ చేసినట్లు సమాచారం. ఈ ప్రతిపాదనపై కాంగ్రెస్ సానుకూలంగా స్పందించినట్లు పార్టీ వర్గాలు చెబుతున్నాయి.

సీట్ల పంపకాల అంశంపై డీఎంకే అధ్యక్షుడు ఎంకే స్టాలిన్‌ మరియు కాంగ్రెస్ అధ్యక్షుడు మల్లికార్జున్ ఖర్గే ఫోన్‌లో మాట్లాడినట్టు తెలుస్తోంది. ఈ చర్చల ద్వారా రెండు పార్టీల మధ్య కూటమి కొనసాగించే విషయంపై స్పష్టత వచ్చినట్టు సమాచారం.

తమిళనాడులో మొత్తం 234 అసెంబ్లీ స్థానాలు ఉన్నాయి. మొదటగా కాంగ్రెస్ 30 సీట్లకు తగ్గేది లేదని పట్టుబట్టింది. ఈ నేపథ్యంలో సమస్యను పరిష్కరించేందుకు కాంగ్రెస్ సీనియర్ నేత పి.చిదంబరంను డీఎంకేతో చర్చలు జరిపే బాధ్యతగా పార్టీ అధిష్ఠానం నియమించింది.