రేపు లోక్ సభలో అమరావతి చట్టబద్ధత బిల్లు ప్రవేశపెట్టనున్న కేంద్రం

అమరావతి చట్టబద్ధతకు సంబంధించిన బిల్లు పార్లమెంట్ ముందుకు రానుంది. కేంద్ర హోంశాఖ ఈ బిల్లును రేపు లోక్ సభలో ప్రవేశపెట్టనుంది. ఈ బిల్లు ఇప్పటికే లోక్ సభ కార్యాచరణ జాబితాలో చోటు దక్కించుకుంది. దీంతో అమరావతి స్థితిగతులపై స్పష్టత వచ్చే అవకాశం ఉంది.

లోక్ సభలో ప్రవేశపెట్టిన తర్వాత ఈ బిల్లు రాజ్య సభకు వెళ్లి అక్కడ కూడా చర్చకు రానుంది. రెండు సభల్లో త్వరగా ఆమోదం పొందేలా ప్రభుత్వం చర్యలు తీసుకుంటున్నట్లు సమాచారం.

ఈ బిల్లు ఆమోదం పొందితే అమరావతికి చట్టబద్ధ స్థానం లభిస్తుంది. ఈ ప్రక్రియ వేగంగా కొనసాగుతుండటం వల్ల ఈ అంశంపై త్వరలోనే నిర్ణయం వచ్చే అవకాశం ఉంది.