మూడు రాష్ట్రాలపై బీజేపీ ఫోకస్‌.. కొత్త ఇన్‌చార్జ్‌లు!

ఉత్తరప్రదేశ్‌, పంజాబ్‌, గుజరాత్‌ రాష్ట్రాలకు బీజేపీ అధిష్ఠానం కొత్త రాష్ట్ర ఇన్‌చార్జ్‌లను నియమించింది. ఉత్తరప్రదేశ్‌ బాధ్యతలను వినోద్‌ తావ్డేకు అప్పగించగా, కో-ఇన్‌చార్జ్‌గా జగదీష్‌ ఈశ్వరభాయ్‌ పటేల్‌ను నియమించింది. పంజాబ్‌ రాష్ట్ర ఇన్‌చార్జ్‌గా డా. సతీష్‌ పూనియాను నియమించిన పార్టీ అధిష్ఠానం, గుజరాత్‌ బాధ్యతలను తరుణ్‌ చుగ్‌కు అప్పగించింది.

రాబోయే రాజకీయ పరిణామాలు, పార్టీ సంస్థాగత కార్యక్రమాలు, ఎన్నికల సన్నాహాలను దృష్టిలో ఉంచుకుని ఈ నియామకాలు చేపట్టినట్లు తెలుస్తోంది. కీలక రాష్ట్రాలకు కొత్త బాధ్యతలు అప్పగించడంతో ఆయా రాష్ట్రాల్లో బీజేపీ కార్యకలాపాలు మరింత వేగం పుంజుకునే అవకాశం ఉంది. కొత్త ఇన్‌చార్జ్‌లు పార్టీ నాయకులు, కార్యకర్తలతో సమన్వయం చేసుకుంటూ సంస్థాగత బలోపేతంపై దృష్టి సారించనున్నారు.