బీహార్ తీర్పు భారీ అలర్ట్... జగన్‌కి గట్టి గుణపాఠం!

బీహార్ అసెంబ్లీ ఎన్నికల ఫలితాలు అందరినీ ఆశ్చర్యపరిచాయి. రాజకీయ పండితులు ఊహించని విధంగా ప్రజలు తీర్పు వెలువరించారు. అధికార ఎన్డీయే కూటమికి అపార మద్దతు లభించి, ఎప్పుడూ లేని విధంగా భారీ మెజారిటీ ఇచ్చి మళ్లీ పగ్గాలు అప్పగించారు. మరోవైపు, ప్రతిపక్షాలు తీవ్రంగా నిరాశపరిచే ఫలితాలు ఎదుర్కోగా, ప్రభుత్వం వ్యతిరేకత తమకు సహకరిస్తుందని నమ్మిన వారి ఆశలు పూర్తిగా తారుమారయ్యాయి.

జాతీయ విశ్లేషకుల మాటల్లో, ఈ ఫలితానికి ప్రధాన కారణం ఆర్జేడీపై ప్రజల్లో ఉన్న ‘జంగిల్ రాజ్’ ముద్ర. మహాఘటబంధన్ గెలిస్తే తేజస్వి యాదవ్ ముఖ్యమంత్రి కావాల్సి ఉన్నా, ప్రజలు ఆర్జేడీ కి ఎలాంటి సానుభూతి చూపలేదు. లాలూ ప్రసాద్ యాదవ్, రబ్రీదేవి పాలనలో వచ్చిన అవినీతి, అహంకారం, నిరంకుశత్వం, చట్టవ్యతిరేక సంఘటనల జ్ఞాపకాలు ఇంకా ప్రజల మనసుల్లో బలంగా ఉన్నాయి.

తేజ‌శ్వీ యాదవ్ ఈ ప్రతికూల ఇమేజ్‌ను కొంతవరకు తగ్గించే ప్రయత్నం చేసినా, రెండు దశాబ్దాల తర్వాత కూడా ప్రజలు ఆ కాలాన్ని మరచిపోలేదు. ఎన్నికల సమయంలో ఆ రోజుల్లో బాధితులైన వారు స్వయంగా బయటకు వచ్చి ఆర్జేడీకి వ్యతిరేకంగా ప్రచారం చేయడం పార్టీకి భారీ దెబ్బతీశింది.

విశ్లేషకుల అభిప్రాయంలో, ఈ ఫలితం ఆంధ్రప్రదేశ్ ముఖ్యమంత్రి వైఎస్ జగన్‌కు కూడా ఒక పెద్ద సందేశం. వచ్చే ఎన్నికల్లో వైసీపీ తిరిగి పుంజుకోవాలంటే, గత పాలనలో ప్రజల్లో ఏర్పడిన ప్రతికూల భావనను తొలగించాల్సిన అవసరం ఉంది మూడు రాజధానుల నిర్ణయం, పార్టీ నేతల వివాదాస్పద వ్యాఖ్యలు, ఇష్టానుసార విధానం వంటి అంశాలను జగన్ సవరిస్తేనే ప్రజలలో నమ్మకం పెరుగుతుంది.

ప్రభుత్వ వ్యతిరేకత తమకు అనుకూలమవుతుందనే ఆశపై నిలబడితే, వైసీపీ కూడా బీహార్‌లో ఆర్జేడీ పడిన గతి తప్పదని విశ్లేషకులు హెచ్చరిస్తున్నారు.