భారత్‌ కు యూ ఎస్ ప్రెసిడెంట్ ట్రంప్ షాక్

ఉక్రెయిన్‌లో కొనసాగుతున్న యుద్ధాన్ని ముగించాలనే లక్ష్యంతో అమెరికా అధ్యక్షుడు డోనాల్డ్ ట్రంప్ కీలక నిర్ణయం తీసుకున్నారు. రష్యా పై మరింత ఒత్తిడి పెంచే ఉద్దేశంతో ద్వైపాక్షిక ఆంక్షలకు సంబంధించిన ఒక కీలక బిల్లుకు ఆయన గ్రీన్‌ సిగ్నల్‌ ఇచ్చినట్లు సమాచారం.

ఈ బిల్లులో భాగంగా, రష్యా నుంచి చమురు కొనుగోలు చేస్తున్న దేశాల పై కఠిన చర్యలు తీసుకునే ప్రతిపాదన ఉంది. ముఖ్యంగా భారత్‌, చైనా వంటి దేశాల పై 500 శాతం వరకు సుంకాలు విధించే అంశానికి ట్రంప్‌ సానుకూలంగా స్పందించినట్లు తెలుస్తోంది.

ఈ విషయాన్ని రిపబ్లికన్‌ సెనెటర్‌ లిండ్సే గ్రాహం సోషల్ మీడియా వేదిక ‘ఎక్స్‌’లో వెల్లడించడంతో అంతర్జాతీయ స్థాయిలో చర్చ మొదలైంది. ఈ నిర్ణయం అమలులోకి వస్తే ప్రపంచ వాణిజ్యం, ఇంధన మార్కెట్ల పై ప్రభావం చూపే అవకాశం ఉందని విశ్లేషకులు అభిప్రాయపడుతున్నారు.