ఇరాన్ క్షిపణి కేంద్రంపై బంకర్ బస్టర్ బాంబులతో అమెరికా దాడి!

పశ్చిమాసియాలో ఉద్రిక్తతలు కొనసాగుతున్న నేపథ్యంలో, ప్రపంచ చమురు రవాణాకు అత్యంత కీలకమైన హర్మూజ్ జలసంధి సమీపంలో అమెరికా భారీ దాడి చేసింది. భూగర్భంలో నిర్మించిన ఇరాన్ క్షిపణి స్థావరాన్ని లక్ష్యంగా చేసుకుని, లోతుగా చొచ్చుకుపోయే శక్తివంతమైన బంకర్ బస్టర్ బాంబులతో ఈ దాడి చేపట్టింది.

అమెరికా సెంట్రల్ కమాండ్ తెలిపిన ప్రకారం, ఇరాన్ తీర ప్రాంతంలో పటిష్టంగా నిర్మించిన క్షిపణి కేంద్రంపై 5,000 పౌండ్ల బాంబులతో దాడి జరిగింది. ఈ కేంద్రం అంతర్జాతీయ నౌకా రవాణాకు ముప్పుగా మారిందని పేర్కొంటూ, ఈ చర్య తీసుకున్నట్లు అమెరికా వెల్లడించింది.