గౌతమ బుద్ధునిపై వ్యాఖ్యలపై సత్యారెడ్డి హెచ్చరిక

ఢిల్లీ జంతర్ మంతర్ వద్ద జరిగిన ధర్నాలో సత్యారెడ్డి బుద్ధ జయంతిని జాతీయ సెలవుగా ప్రకటించాలని డిమాండ్ చేశారు. తన కింగ్ బుద్ధ హాలీవుడ్ సినిమాకు దర్శకుడైన ఆయన, గతంలో గౌతమ బుద్ధునిపై వ్యాఖ్యలు చేసిన గరికపాటిపై తీవ్రంగా స్పందిస్తూ హెచ్చరిక జారీ చేశారు. ఇకపై బుద్ధునిపై తప్పుడు ప్రచారం చేస్తే సహించబోమని స్పష్టం చేశారు.

గౌతమ బుద్ధుడు “శాక్య సింహం” అని పేర్కొన్న ఆయన, ఆయన జీవితం శాంతి, తత్వం, మహా వీరగాథ అని అన్నారు. బుద్ధిజాన్ని అనుసరిస్తున్న 25 దేశాలు అభివృద్ధిలో ముందున్నాయని చెప్పారు. భారత్ కూడా బుద్ధ మార్గాన్ని అనుసరించాలని సూచించారు. బుద్ధ జయంతిని జాతీయ గౌరవ దినంగా ప్రకటించాలనే నినాదంతో ఉద్యమాన్ని దేశవ్యాప్తంగా విస్తరించనున్నట్లు తెలిపారు.