టీం ఇండియా స్పిన్నర్ల కు తమిళనాడు సీఎం సన్మానం!

తమిళనాడు ముఖ్యమంత్రి ఎం కే స్టాలిన్ టీం ఇండియా స్పిన్నర్లు వాషింగ్టన్ సుందర్ మరియు వరుణ్ చక్రవర్తిలను సన్మానించి అభినందించారు. తమిళనాడు నుంచి భారత జట్టుకు ప్రాతినిధ్యం వహిస్తూ స్పిన్ బౌలర్లుగా వారు సాధించిన విజయాలను ఆయన ప్రశంసించారు.

ఈ సందర్భంగా వారితో జరిగిన సంభాషణ ఎంతో ఆనందాన్ని కలిగించిందని సీఎం తెలిపారు. కష్టపడి సాధించిన వారి ప్రయాణం పట్టుదల, క్రమశిక్షణ, ఆత్మవిశ్వాసానికి ఉదాహరణ అని పేర్కొన్నారు. భవిష్యత్తులో మరిన్ని మ్యాచ్ విజేత స్పెల్స్‌తో దేశానికి, తమిళనాడుకు గర్వకారణంగా నిలవాలని ఆయన ఆకాంక్షించారు.