ప్రసూతి సెలవులపై సుప్రీంకోర్టు కీలక తీర్పు

ప్రసూతి సెలవుల విషయంలో సుప్రీంకోర్టు కీలక తీర్పు ఇచ్చింది. దత్తత తీసుకున్న బిడ్డ వయసు మూడు నెలల కంటే తక్కువగా ఉండాలి అనే నిబంధన రాజ్యాంగ విరుద్ధమని కోర్టు తెలిపింది. సోషల్ సెక్యూరిటీ కోడ్ 2020లోని సెక్షన్ 60(4) మహిళల హక్కులకు విరుద్ధమని పేర్కొంది. ఈ నిబంధన సమానత్వానికి, మహిళల సంక్షేమానికి అనుకూలంగా లేదని సుప్రీంకోర్టు స్పష్టం చేసింది.

దత్తత తీసుకున్న బిడ్డ వయసుతో సంబంధం లేకుండా, దత్తత తీసుకున్న తేదీ నుంచి 12 వారాల పాటు ప్రసూతి సెలవులు పొందే హక్కు మహిళలకు ఉంటుందని కోర్టు వెల్లడించింది. తల్లి, శిశువు సంక్షేమాన్ని దృష్టిలో పెట్టుకుని ఈ ప్రయోజనాలు ఇవ్వాలని సూచించింది. ఈ తీర్పు దేశవ్యాప్తంగా దత్తత తల్లుల హక్కులను బలోపేతం చేయడంలో కీలకంగా మారనుంది.