వాట్సాప్‌లోనే స్టాంప్స్, రిజిస్ట్రేషన్స్‌ సేవలు

డిజిటల్ సేవల విస్తరణలో భాగంగా తెలంగాణ ప్రభుత్వం మరో కీలక ముందడుగు వేసింది. రిజిస్ట్రేషన్స్ మరియు స్టాంప్స్ విభాగానికి సంబంధించిన సేవలను ఇప్పుడు వాట్సాప్ ద్వారా ప్రజలకు అందుబాటులోకి తీసుకొచ్చింది. ఈ కొత్త విధానం ద్వారా భూమి సంబంధిత పత్రాలు, సర్టిఫికెట్లు వంటి సేవలను ఎక్కడ నుంచైనా మొబైల్ ఫోన్ ద్వారా సులభంగా పొందే అవకాశం కల్పించారు.

ఈ వాట్సాప్ సేవల ద్వారా రిజిస్ట్రేషన్ పత్రాల సర్టిఫైడ్ కాపీలు, ఎన్‌కంబరెన్స్ సర్టిఫికెట్ (EC), స్టాంప్‌ల కొనుగోలు, ఫ్రాంకింగ్, డెఫిసిట్ చెల్లింపులు వంటి సేవలు అందుబాటులో ఉంటాయి. అలాగే సొసైటీలు, ఫర్మ్‌ల రిజిస్ట్రేషన్, సమాచార హక్కు (RTI) దరఖాస్తులు, అపరాధ రుసుం చెల్లింపులు కూడా ఈ ప్లాట్‌ఫామ్ ద్వారా చేయవచ్చు. ఈ సేవలను వినియోగించుకోవాలంటే 8096958096 నంబర్‌ను సేవ్ చేసుకుని “Hi” లేదా “AG” అని మెసేజ్ పంపాలి.