నేపాల్ లో కొనసాగుతున్న పోలింగ్

నేపాల్‌ (Nepal) లో సాధారణ ఎన్నికల (General Elections) పోలింగ్‌ ప్రశాంతంగా కొనసాగుతున్నది. జనం ఉదయం నుంచే బారులుతీరి తమ ఓటు హక్కును వినియోగించుకుంటున్నారు. అక్కడి రాజకీయ ప్రముఖులు ఒక్కొక్కరుగా తమతమ పోలింగ్‌ కేంద్రాలకు వెళ్లి ఓట్లు వేస్తున్నారు. ఈ మధ్యాహ్నం నేపాల్‌ మాజీ ప్రధాని (Nepal Ex PM) కేపీ శర్మ ఓలి (KP Sharma Oli) ఓటువేశారు.

భక్తాపూర్‌లోని ఓ పోలింగ్‌ స్టేషన్‌లో ఓలి తన ఓటు హక్కును వినియోగించుకున్నారు. కాగా ఓలి ప్రభుత్వానికి వ్యతిరేకంగా ఇటీవల జరిగిన జన్‌ జడ్‌ (Gen Z) ఉద్యమం జరిగింది. ఈ ఉద్యమంలో 77 మంది నిరసనకారులు ప్రాణాలు కోల్పోయారు. దాంతో ఓలి ప్రభుత్వం అధికారాన్ని కోల్పోయింది. ఈ నేపథ్యంలో మళ్లీ ఎన్నికలు జరుగుతున్నాయి. కమ్యూనిస్ట్‌ పార్టీ ఆఫ్‌ నేపాల్‌ – యూనిఫైడ్‌ మార్క్సిస్ట్‌, లెనినిస్ట్‌ (CPN-UML) తరఫున ఆయన ప్రధాని అభ్యర్థిగా రేసులో ఉన్నారు.