హీరో ఇమేజ్ దాటి డార్క్ పాత్రల కోసం ఆ హీరో ఆసక్తి..

బాలీవుడ్ స్టార్ హీరో హృతిక్ రోషన్ ఇటీవల ‘వార్ 2’తో ప్రేక్షకుల ముందుకు వచ్చినప్పటికీ ఆశించిన విజయం దక్కలేదు. ప్రస్తుతం ఆయన తన తండ్రి రాకేష్ రోషన్ నిర్మిస్తున్న భారీ చిత్రం ‘క్రిష్ 4’లో నటిస్తూ, అదే ప్రాజెక్ట్‌కు దర్శకత్వ బాధ్యతలు కూడా నిర్వహిస్తున్నారు. సుమారు రూ.500 కోట్ల బడ్జెట్‌తో తెరకెక్కుతున్న ఈ సినిమాలో ప్రియాంక చోప్రా కీలక పాత్రలో కనిపించనున్నారు.

ఇదిలా ఉంటే, ప్యారిస్ వెకేషన్‌లో ఉన్న హృతిక్ షేర్ చేసిన పోస్ట్ బాలీవుడ్‌లో చర్చనీయాంశంగా మారింది. తనకు వైవిధ్యమైన, సవాల్ విసిరే పాత్రలు రావడం లేదని ఆయన ఆవేదన వ్యక్తం చేశారు. దర్శకులు తనను కేవలం రొటీన్ హీరోగానే చూస్తున్నారని చెప్పిన ఆయన, ‘లక్ బై చాన్స్’ తరహా పాత్రలు వస్తే వెంటనే ఒప్పుకుంటానని తెలిపారు. దీనిపై జోయా అఖ్తర్ సరదాగా స్పందించారు.