హార్ముజ్ జలసంధిలో గర్జిస్తున్న పాత యుద్ధ విమానం

‘A-10 థండర్‌బోల్ట్’ అనే పాత యుద్ధ విమానం, వార్థాగ్(Warthog) అని కూడా పిలుస్తారు. ఈ విమానాన్ని అమెరికా ఎయిర్ ఫోర్స్ గతంలో రిటైర్ చేయాలని భావించింది. అయితే ఇప్పుడు ఈ విమానం హార్ముజ్ జలసంధి ప్రాంతంలో కీలక పాత్ర పోషిస్తోంది. అక్కడ ఇరాన్ కు చెందిన వేగవంతమైన బోట్లను గుర్తించి ఎదుర్కొనే పనిలో ఇది ఉపయోగపడుతోంది.

ఈ విమానంలో ఉన్న శక్తివంతమైన గన్ నిమిషానికి సుమారు 3,900 రౌండ్లు కాల్చగలదు. అందువల్ల శత్రు లక్ష్యాలపై ఇది చాలా ప్రభావవంతంగా పని చేస్తుంది. తక్కువ ఎత్తులో ఎగురుతూ కూడా దాడులను ఎదుర్కొనే సామర్థ్యం ఈ విమానానికి ఉంది.

అత్యాధునిక F-35 వంటి యుద్ధ విమానాలు చాలా ఖరీదైనవి. అయితే A-10 విమానం బలమైన నిర్మాణం, దాడులను తట్టుకునే శక్తి వల్ల ఇప్పటికీ ఉపయోగకరంగా ఉంది. అందుకే ఈ “ఫ్లయింగ్ ట్యాంక్” ఇప్పుడు అమెరికాకు పెద్ద సహాయంగా మారింది.