మా దేశ నాయకత్వ ఎంపికలో విదేశీయుల జోక్యం వద్దు: ఇరాన్ FM

ఇరాన్‌లో కొత్త సుప్రీం లీడర్ ఎంపిక విషయంలో విదేశీ దేశాలు జోక్యం చేసుకోవాల్సిన అవసరం లేదని ఆ దేశ విదేశాంగ మంత్రి అబ్బాస్ అరఘ్చి స్పష్టం చేశారు. ఇరాన్ సుప్రీం లీడర్‌గా ఉన్న ఖమేనీ తరువాతి వారసుడిని ఎంపిక చేసే ప్రక్రియ పూర్తిగా దేశ అంతర్గత వ్యవహారమని ఆయన చెప్పారు.

అమెరికా అధ్యక్షుడు ట్రంప్ చేసిన వ్యాఖ్యలకు స్పందిస్తూ, “మా దేశ వ్యవహారాల్లో ఇతరులు జోక్యం చేసుకోవడానికి మేము అనుమతించము. ప్రజలు ఎన్నుకున్న అసెంబ్లీ ఆఫ్ ఎక్స్‌పర్ట్స్ కొత్త సుప్రీం లీడర్‌ను నిర్ణయిస్తుంది” అని తెలిపారు. ఇదే సమయంలో, కొత్త నాయకుడిగా మొజ్తాబా ఎన్నికయ్యారనే వార్తలు కూడా వినిపిస్తున్నాయి.