పక్కా ప్లాన్‌తో లీక్‌.. విదేశీ మార్కెట్‌లో నరవణె పుస్తకం

భారత సైన్యం మాజీ అధిపతి జనరల్ ఎం.ఎం. నరవణె రచించిన ఫోర్ స్టార్స్ ఆఫ్ డెస్టినీ పుస్తకం అనుమతులకు ముందే విదేశీ మార్కెట్‌లోకి చేరినట్లు ఆరోపణలు వెలుగులోకి వచ్చాయి. రక్షణశాఖ అనుమతులు పొందకముందే ఈ మెమోయర్ గ్లోబల్ స్థాయిలో విడుదలైనట్లు ఢిల్లీ పోలీసు వర్గాలు వెల్లడించాయి.

ఈ ఘటన యాదృచ్ఛికం కాదని, పక్కా ప్రణాళికతో లీక్ జరిగి ఉండవచ్చని అధికారులు అనుమానం వ్యక్తం చేస్తున్నారు. అధికారిక అనుమతులకు ముందే పుస్తకం విదేశాలకు ఎలా చేరిందన్న దానిపై దర్యాప్తు కొనసాగుతోంది.