గుడివాడ ఏఎన్‌ఆర్ కాలేజ్ కి 2 కోట్లు విరాళం ప్రకటించిన హీరో నాగార్జున

గుడివాడలోని ఏఎన్‌ఆర్ కళాశాల డైమండ్ జూబిలీ వేడుకలకు ముఖ్య అతిథిగా హాజరైన కింగ్ నాగార్జున అక్కినేని, విద్యార్థులు-అధ్యాపకుల మనసులను ఆకట్టుకున్నారు. ఈ సందర్భంగా ఆయన తన తల్లిదండ్రులు అక్కినేని నాగేశ్వరరావు, అన్నపూర్ణ అక్కినేని స్మృతికి అంకితంగా కళాశాలలో ₹2 కోట్ల స్కాలర్‌షిప్ ఫండ్ ఏర్పాటు చేస్తున్నట్లు ప్రకటించారు.

ఈ నిర్ణయం తన సోదరి సుశీల, సోదరుడు వెంకట్‌తో పాటు మొత్తం అక్కినేని కుటుంబం కలిసి తీసుకున్నదని నాగార్జున తెలిపారు. విద్యా రంగానికి సేవ చేయడం తమ బాధ్యతగా భావిస్తున్నామని పేర్కొంటూ, గతంలో తన తండ్రి ఈ కళాశాలకు ₹1 లక్ష విరాళం ఇచ్చారని గుర్తు చేశారు. ఈ గొప్ప ప్రకటనకు విద్యార్థులు, అధ్యాపకులు హర్షధ్వానాలతో స్పందించగా, అక్కినేని కుటుంబం విద్యకు చూపుతున్న నిరంతర నిబద్ధత మరోసారి స్పష్టమైంది.