దుబాయ్‌లో మా కుటుంబం సురక్షితంగానే ఉంది : మంచు విష్ణు...

ఇరాన్, అమెరికా – ఇజ్రాయెల్ మధ్య ఉద్రిక్తతలు కొనసాగుతున్న నేపథ్యంలో దుబాయ్‌లో ఉన్న ప్రముఖ సినీ నటుడు మంచు విష్ణు కుటుంబ భద్రతపై ఆందోళనలు వ్యక్తమయ్యాయి. పశ్చిమాసియాలో నెలకొన్న పరిస్థితుల దృష్ట్యా అభిమానులు, బంధువులు కలవరపడగా, ఆయన సోదరి మంచు లక్ష్మీ తన సోదరుడు క్షేమంగా ఉండాలని సామాజిక మాధ్యమ వేదిక ఎక్స్‌లో కోరుకున్నారు. ఈ నేపథ్యంలో స్పందించిన విష్ణు, దుబాయ్‌లో తమ కుటుంబం సురక్షితంగానే ఉందని స్పష్టం చేశారు.

అప్పుడప్పుడు దూర ప్రాంతాల నుంచి శబ్దాలు వినిపిస్తున్నా ఎలాంటి ప్రమాదకర పరిస్థితి లేదని ఆయన పేర్కొన్నారు. ఇలాంటి క్లిష్ట సమయంలో ప్రజల రక్షణ కోసం యునైటెడ్ అరబ్ ఎమిరేట్స్ ప్రభుత్వం తీసుకుంటున్న చర్యలు ప్రశంసనీయం అని తెలిపారు. డ్రోన్లను అడ్డుకుంటున్న దృశ్యాలను కూడా ఆయన ముందుగా పంచుకున్నారు. ప్రజలకు భరోసా కల్పిస్తున్న యూఏఈ అధికారులకు ఆయన కృతజ్ఞతలు తెలిపారు.