హైదరాబాద్ మెట్రో టేక్ ఓవర్ కు లోన్

ఇండియన్ రైల్వే ఫైనాన్స్ కార్పొరేషన్ హైదరాబాద్ మెట్రో టేకోవర్ కోసం ప్రభుత్వానికి ₹13,615 కోట్ల రుణాన్ని మంజూరు చేయడానికి అంగీకరించింది. హైదరాబాద్ మెట్రో రైలును ఎల్ అండ్ టీ మెట్రో రైల్ హైదరాబాద్ లిమిటెడ్ నుంచి స్వాధీనం చేసుకునే ప్రక్రియలో ఇది కీలక ముందడుగుగా భావిస్తున్నారు. ఇది గతంలో ప్రతిపాదించిన ₹12,750 కోట్ల కంటే ఎక్కువ కావడం గమనార్హం.

ఈ రుణాన్ని 20 సంవత్సరాల కాలంలో తిరిగి చెల్లించనున్నారు. మార్పిడి ప్రక్రియలో భాగంగా 115 మంది ఉద్యోగులను ఒక సంవత్సరం పాటు కొనసాగిస్తూ సేవలు నిలకడగా ఉండేలా చర్యలు తీసుకుంటున్నారు. టేకోవర్‌కు సంబంధించిన పూర్తి వివరాలను త్వరలో అధికారికంగా ప్రకటించే అవకాశం ఉంది.