ప్రజాపంపిణీ ద్వారా సుపీరియర్‌ కిరోసిన్‌ పంపిణీ

దేశంలో గ్యాస్‌, పెట్రోల్ కొరతపై వస్తున్న వదంతుల నేపథ్యంలో కేంద్ర ప్రభుత్వం కీలక నిర్ణయం తీసుకుంది. వంట గ్యాస్ సమస్యను తగ్గించేందుకు ప్రత్యామ్నాయంగా ప్రజా పంపిణీ వ్యవస్థ ద్వారా సుపీరియర్ కిరోసిన్ పంపిణీ చేయాలని నిర్ణయించింది. ఈ చర్య ద్వారా ప్రజలకు ఇబ్బందులు లేకుండా సరఫరాను కొనసాగించడమే లక్ష్యంగా ప్రభుత్వం ముందుకు వచ్చింది.

ఈ నిర్ణయం ప్రకారం 21 రాష్ట్రాలు మరియు కేంద్ర పాలిత ప్రాంతాల్లో కిరోసిన్ పంపిణీ చేయనున్నారు. సర్వీస్ కేంద్రాల్లో 2500 లీటర్ల వరకు కిరోసిన్ నిల్వ చేసుకునే అవకాశం కల్పించారు. దీనికి సంబంధించి గెజిట్ నోటిఫికేషన్ విడుదల కాగా, ఈ ఆదేశాలు 60 రోజుల పాటు లేదా తదుపరి ఉత్తర్వులు వచ్చే వరకు అమల్లో ఉంటాయని పేర్కొన్నారు.