స్పిరిట్ మూవీ రోల్ పై వివేక్ ఓబేరాయి వ్యాఖ్యలు

పాన్ ఇండియా స్టార్ ప్రభాస్, సంచలన దర్శకుడు సందీప్ రెడ్డి వంగా కాంబినేషన్‌లో తెరకెక్కుతున్న భారీ చిత్రం ‘స్పిరిట్’ ప్రస్తుతం ఇండస్ట్రీలో హాట్ టాపిక్‌గా మారింది. యాక్షన్ డ్రామాగా రూపొందుతున్న ఈ సినిమాపై అభిమానుల్లో రోజురోజుకూ అంచనాలు పెరుగుతున్నాయి. ఈ చిత్రంలో బాలీవుడ్ నటుడు వివేక్ ఒబెరాయ్ కీలకమైన విలన్ పాత్రలో నటించనున్నారు. ఇటీవల నిర్వహించిన ఒక ప్రెస్ మీట్‌లో ఆయన చేసిన వ్యాఖ్యలు సోషల్ మీడియాలో వైరల్ అవుతూ, సినిమాపై మరింత ఆసక్తిని పెంచుతున్నాయి.

ప్రెస్ మీట్ సందర్భంగా ఒక రిపోర్టర్, యానిమల్ సినిమాతో బాబీ డియోల్, అలాగే ధురంధర్ చిత్రంతో అక్షయ్ ఖన్నా విలన్ పాత్రల్లో సక్సెస్‌ఫుల్ రీ-ఎంట్రీ ఇచ్చిన విషయాన్ని ప్రస్తావిస్తూ, మీరు కూడా ‘స్పిరిట్’ ద్వారా అలాంటి కంబ్యాక్ ఇస్తారా? అని ప్రశ్నించారు. దీనికి స్పందించిన వివేక్ ఒబెరాయ్ తనదైన స్టైల్లో బాలీవుడ్ డైలాగ్‌తో సమాధానమిస్తూ, “పిక్చర్ అభీ బాకీ హై మేరే దోస్త్” అని చెప్పారు. అలాగే ఈ సినిమాలో తన పాత్ర కోసం ఎంతో శ్రమిస్తున్నానని, పాత్రకు న్యాయం చేయడానికి పూర్తి డెడికేషన్‌తో పని చేస్తున్నానని వెల్లడించారు.