థియేటర్లలో నిస్సత్తువ… డిజిటల్‌లో దుమ్మురేపే కంటెంట్!

మే రెండో వారం సినిమా ప్రేమికులను పెద్దగా ఆకట్టుకునేలా కనిపించడం లేదు. థియేటర్లలో విడుదల కానున్న సినిమాలు ఎక్కువగా చిన్న సినిమాలే. గోదారి గట్టుపైన, రేజర్, సతీ లీలావతి, నిన్నుకోరి వంటి చిత్రాలు మే 8న విడుదలకు సిద్ధంగా ఉన్నప్పటికీ, వాటిపై పెద్దగా అంచనాలు కనిపించడం లేదు.

అయితే ఓటీటీ ప్లాట్‌ఫామ్స్ మాత్రం ఈ వారం ప్రేక్షకులకు పుష్కలమైన వినోదాన్ని అందించేందుకు సిద్ధంగా ఉన్నాయి. అమెజాన్ ప్రైమ్, నెట్‌ఫ్లిక్స్, జియో హాట్‌స్టార్, సోనీ లివ్ వంటి ప్లాట్‌ఫామ్స్‌లో యాక్షన్, డ్రామా, థ్రిల్లర్ జానర్లలో పలు సినిమాలు, వెబ్ సిరీస్‌లు స్ట్రీమింగ్ కానున్నాయి. ముఖ్యంగా సిటాడెల్ సీజన్ 2, లవ్ ఇన్సూరెన్స్ కంపెనీ, హైడ్ అండ్ సీక్ సీజన్ 2, ఎం ఐ ఎ వంటి కంటెంట్ ప్రేక్షకులను అలరించనుంది.