గుజరాత్ ఎన్నికలు - ఐపీఎల్ షెడ్యూల్ లో మార్పులు!

గుజరాత్‌లో స్థానిక సంస్థల ఎన్నికల నేపథ్యంలో బోర్డ్ ఆఫ్ కంట్రోల్ ఫర్ క్రికెట్ ఇన్ ఇండియా (బీసీసీఐ) ఐపీఎల్ 2026 షెడ్యూల్‌లో కీలక మార్పులు చేసింది. బీసీసీఐ కార్యదర్శి దేవజిత్ సైకియా ఈ విషయాన్ని ప్రకటించారు. గుజరాత్ టైటాన్స్, చెన్నై సూపర్ కింగ్స్ జట్ల మధ్య జరగాల్సిన మ్యాచ్‌ల వేదికలను భద్రతా కారణాల దృష్ట్యా మార్చినట్లు తెలిపారు.

ఏప్రిల్ 26న అహ్మదాబాద్‌లో జరగాల్సిన మ్యాచ్‌ను ఇప్పుడు చెన్నైలోని ఎం. ఏ. చిదంబరం స్టేడియంకు మార్చారు. మ్యాచ్ సమయం మాత్రం మారలేదు. అదే విధంగా, మే 21న చెన్నైలో జరగాల్సిన రిటర్న్ మ్యాచ్‌ను అహ్మదాబాద్‌లోని నరేంద్ర మోదీ స్టేడియంలో సాయంత్రం 7:30 గంటలకు నిర్వహించనున్నారు. గుజరాత్‌లో ఎన్నికల కారణంగా భద్రతా ఏర్పాట్ల దృష్ట్యా ఈ మార్పులు చేసినట్లు ఐపీఎల్ నిర్వాహకులు వెల్లడించారు.