ఇన్‌స్టాగ్రామ్‌లో యాక్టివ్‌గా అన్నా లెజినోవా...

పవర్ స్టార్ పవన్‌కళ్యాణ్ సతీమణి అన్నాలెజినోవా ఇటీవల ఇన్‌స్టాగ్రామ్‌లో యాక్టివ్‌గా మారి ఫ్యాన్స్‌ను ఆకట్టుకుంటున్నారు. సోషల్ మీడియాలో అడుగుపెట్టినప్పటి నుంచి ఆమె పంచుకుంటున్న పోస్టులు వైరల్ అవుతూ, మెగా అభిమానులకు కొత్త విషయాలను పరిచయం చేస్తున్నాయి. తాజాగా ఆమె చిన్నప్పటి ఫొటోను షేర్ చేస్తూ, ఆ ఫొటో వెనుక ఉన్న భావోద్వేగ కథను వెల్లడించారు. ఆ ఫొటోలో తాను ఏడు సంవత్సరాల వయసులో సెయింట్ పీటర్స్‌బర్గ్‌లోని ఒక సంగీత కార్యక్రమంలో పాల్గొన్న సందర్భమని తెలిపారు.

అప్పుడు తాను లుడ్విగ్ వాన్ బీథోవెన్ రాసిన “లా మార్మోట్” వాయించినట్లు పేర్కొన్నారు. ఐదేళ్ల వయసులోనే వయోలిన్ నేర్చుకోవడం ప్రారంభించి, పదిహేనేళ్ల వరకు మ్యూజిక్ స్కూల్‌కు వెళ్లినట్లు చెప్పారు. వృత్తిగా సంగీతాన్ని ఎంచుకోకపోయినా, క్లాసికల్ మ్యూజిక్ తన జీవితంలో ఎప్పుడూ ఒక భాగమై ఉంటుందని తెలిపారు. ఇండియాకు వచ్చిన తర్వాత తన భర్త పావన్ కళ్యాణ్ తన కోసం పియానో కొనిచ్చిన విషయాన్ని గుర్తుచేసుకున్నారు. సంగీతం భాషలకు అతీతంగా మనుషులను కలుపుతుందని, భావాలను వ్యక్తపరచే శక్తి కలిగిన వారధి అని ఆమె భావోద్వేగంగా చెప్పారు.