హైదరాబాద్‌లో శ్రీరామ నవమి శోభాయాత్రకు భారీ భద్రత - సజ్జనార్

హైదరాబాద్ లో శ్రీరామ నవమి శోభాయాత్ర సందర్భంగా 3000 మంది పోలీసులతో భారీ భద్రత ఏర్పాటు చేస్తున్నట్లు వి. సి. సజ్జనార్ తెలిపారు. వివిధ శాఖల అధికారులతో పాటు జీహెచ్‌ఎంసీ కమిషనర్ ఆర్. వి. కర్ణన్ తో కలిసి సమన్వయ సమావేశం నిర్వహించారు. శోభాయాత్ర ఏర్పాట్లు, భద్రత చర్యలు, ప్రజల రాకపోకల నియంత్రణపై సమీక్షించారు.

అడుగడుగునా నిఘా కెమెరాలు, గగన నిఘా ఏర్పాటు చేస్తామని అధికారులు తెలిపారు. చైన్ దొంగతనాలు వంటి ఘటనలను అరికట్టేందుకు ప్రత్యేక బృందాలు, మహిళల భద్రత కోసం ప్రత్యేక బృందాలు పనిచేస్తాయని చెప్పారు. శోభాయాత్రను సమయానికి ప్రారంభించాలని, ఇరుకైన మార్గాల్లో పెద్ద వాహనాలు రాకుండా జాగ్రత్తలు తీసుకోవాలని నిర్వాహకులకు సూచించారు. శబ్ధ కాలుష్యం నియంత్రణకు ప్రత్యేక చర్యలు తీసుకోవాలని, రహదారుల మరమ్మతులు మరియు వీధి దీపాల ఏర్పాట్లు పూర్తయ్యాయని అధికారులు తెలిపారు.