రాజకీయాల్లోకి హీరోయిన్లకు లాగొద్దు - మా ప్రెసిడెంట్ మంచు విష్ణు

తమిళనాడులో ఇటీవల జరుగుతున్న రాజకీయ పరిణామాలు సినీ మరియు రాజకీయ వర్గాల్లో చర్చకు దారితీస్తున్నాయి. నటుడు విజయ్ తన రాజకీయ పార్టీ ప్రారంభించిన తర్వాత ఆయన వ్యక్తిగత జీవితంపై విమర్శలు పెరిగాయి. ఆయన విడాకుల విషయం, అలాగే నటి త్రిషతో సంబంధం ఉందని సోషల్ మీడియాలో వస్తున్న వార్తలు ఈ అంశాన్ని మరింత వివాదాస్పదంగా మార్చాయి.

ఈ నేపథ్యంలో మంచు విష్ణు స్పందిస్తూ, రాజకీయాల్లోకి నటీమణులను లాగడం తప్పని అన్నారు. రాజకీయ ప్రయోజనాల కోసం సినీ తారల వ్యక్తిగత జీవితాలను ఉపయోగించడం సరైంది కాదని తెలిపారు. నటీనటులకు కూడా గౌరవం, భావోద్వేగాలు, కుటుంబం ఉంటాయని, వారి వ్యక్తిగత జీవితాన్ని గౌరవించాలని సూచించారు. ముఖ్యంగా మహిళల విషయంలో మరింత జాగ్రత్తగా ఉండాలని, విమర్శలు కూడా పరిమితుల్లో ఉండాలని చెప్పారు. సమాజం బాధ్యతగా వ్యవహరించాలని పిలుపునిచ్చారు.