ఢిల్లీలో పొగమంచు కష్టాలు..

దట్టమైన పొగమంచు దేశంలోని అనేక ప్రాంతాలను కమ్మేయడంతో సాధారణ జనజీవనం పూర్తిగా అస్తవ్యస్తమైంది. ముఖ్యంగా ఉత్తర భారతదేశంలో విజిబులిటీ తీవ్రంగా పడిపోవడంతో రోడ్డు, రైలు, విమాన రవాణాపై తీవ్ర ప్రభావం పడింది. కళ్లముందు కొద్ది మీటర్ల దూరం కూడా కనిపించని పరిస్థితి నెలకొనడంతో ప్రజలు తీవ్ర ఇబ్బందులు ఎదుర్కొంటున్నారు.

విమానయాన రంగం అత్యంతగా దెబ్బతింది. పొగమంచు కారణంగా 130 కి పైగా విమానాలు పూర్తిగా రద్దు కాగా, మరికొన్ని విమానాలు భారీ ఆలస్యంతో నడుస్తున్నాయి. అనేక విమానాశ్రయాల్లో ప్రయాణికులు గంటల తరబడి వేచిచూడాల్సిన పరిస్థితి ఏర్పడింది. ముఖ్యంగా ఉదయం వేళలో ల్యాండింగ్, టేకాఫ్‌లకు తీవ్ర ఆటంకాలు ఏర్పడుతున్నాయి.