‘రామాయణం’ రైట్స్ కోసం టాలీవుడ్ నిర్మాత ప్రయత్నాలు

నితేశ్ తివారీ దర్శకత్వంలో రణ్‌బీర్ కపూర్, యష్ ప్రధాన పాత్రల్లో తెరకెక్కుతున్న ప్రతిష్ఠాత్మక చిత్రం ‘రామాయణం’ తెలుగు రాష్ట్రాల థియేట్రికల్ హక్కుల కోసం నిర్మాత, డిస్ట్రిబ్యూటర్ దిల్ రాజు చర్చలు జరుపుతున్నట్లు సమాచారం. ఈ హక్కుల కోసం దాదాపు రూ.105 కోట్ల డీల్‌పై సంప్రదింపులు జరుగుతున్నట్లు సినీ వర్గాల్లో ప్రచారం సాగుతోంది.

భారీ బడ్జెట్‌తో రెండు భాగాలుగా రూపొందుతున్న ఈ చిత్రంపై దేశవ్యాప్తంగా భారీ అంచనాలు ఉన్నాయి. ఇప్పటికే సినిమా మ్యూజిక్, డిస్ట్రిబ్యూషన్ హక్కులకు సంబంధించి పలు భారీ డీల్స్ జరిగినట్లు నివేదికలు వెల్లడిస్తున్నాయి. తెలుగు మార్కెట్‌లో రూ.105 కోట్ల పెట్టుబడితో ‘రామాయణం’ను తీసుకురావడం ఎంతవరకు ఫలిస్తుందనేది ఇప్పుడు ఆసక్తికరంగా మారింది.