ఆ తేదీన విడుదల కానున్న ఆశిష్ ‘దేత్తడి’...

‘రౌడీ బాయ్స్’, ‘లవ్ మీ’ సినిమాలతో ప్రేక్షకులను పలకరించిన ఆశిష్ ప్రస్తుతం ‘దేత్తడి’ అనే పక్కా మాస్ కమర్షియల్ ఎంటర్‌టైనర్‌లో నటిస్తున్నారు. ప్రసన్న కుమార్ బెజవాడ స్క్రీన్‌ప్లే, డైలాగ్స్ అందిస్తున్న ఈ చిత్రానికి ఆదిత్య రావు గంగాసాని దర్శకత్వం వహిస్తున్నారు. శ్రీ వెంకటేశ్వర క్రియేషన్స్ బ్యానర్‌పై దిల్ రాజు, శిరీష్ నిర్మిస్తుండగా.. సురేష్ బెబ్బిలి సంగీతం అందిస్తున్నారు. ఇప్పటికే ఈ సినిమా షూటింగ్ చాలా వరకు పూర్తైనట్లు సమాచారం.

తాజా సమాచారం ప్రకారం ‘దేత్తడి’ చిత్రాన్ని డిసెంబర్ 22న విడుదల చేయాలని మేకర్స్ భావిస్తున్నట్లు తెలుస్తోంది. అయితే డిసెంబర్‌లో ఇప్పటికే పలు భారీ, క్రేజీ సినిమాలు విడుదలకు సిద్ధంగా ఉన్నాయి. ఈ నేపథ్యంలో వాటికి పోటీగా ‘దేత్తడి’ని అదే తేదీన విడుదల చేస్తారా? లేక విడుదల తేదీని మార్చుకుంటారా? అనేది త్వరలోనే స్పష్టత వచ్చే అవకాశం ఉంది.