ఆర్సీ17 అప్డేట్‌కు ప్రత్యేక కార్యక్రమం?

మెగా పవర్ స్టార్ రామ్ చరణ్ హీరోగా నటించిన పెద్ది సినిమా జూలై 4న విడుదలై మంచి విజయాన్ని సాధించింది. ఈ సందర్భంగా చిత్ర బృందం “మెగా బ్లాక్‌బస్టర్” పేరుతో ఘనంగా సక్సెస్ ఈవెంట్ నిర్వహించింది. ఈ కార్యక్రమానికి మెగాస్టార్ చిరంజీవి, ప్రముఖ దర్శకులు సుకుమార్, అనిల్ రావిపూడి ముఖ్య అతిథులుగా హాజరయ్యారు. రామ్ చరణ్ తదుపరి చిత్రం ఆర్సీ17గా ప్రకటించబడిన విషయం తెలిసిందే.

ఈ ఈవెంట్‌లో అభిమానులు “ఆర్సీ17” అంటూ నినాదాలు చేయగా, సుకుమార్ స్పందిస్తూ “అప్డేట్ అడుగుతున్నారు కానీ ఇప్పుడు చెప్పను. అలా చెప్పడం నాకు ఇష్టం ఉండదు. మీరే ఊహించుకోండి” అని ఆసక్తికర సమాధానం ఇచ్చారు. దీంతో ఈ చిత్రానికి సంబంధించిన అప్డేట్ ప్రత్యేక కార్యక్రమంలో వచ్చే అవకాశం ఉందని చర్చ జరుగుతోంది. సుకుమార్ వ్యాఖ్యలు ప్రస్తుతం సోషల్ మీడియాలో వైరల్‌గా మారాయి.