‘ కొత్త మలుపు’ మూవీ ఫస్ట్ లుక్ రిలీజ్..

సంక్రాంతి పండుగను పురస్కరించుకుని ప్రేక్షకులకు ప్రత్యేక కానుకగా ‘ కొత్త మలుపు’ సినిమా ఫస్ట్ లుక్‌ను మేకర్స్ విడుదల చేశారు. ప్రముఖ గాయని సునీత తనయుడు ఆకాష్ హీరోగా, భైరవి అర్థ్యా హీరోయిన్‌గా నటిస్తున్న ఈ చిత్రం తధాస్తు క్రియేషన్స్ బ్యానర్‌పై తెరకెక్కుతోంది. శివ వరప్రసాద్ కేశనకుర్తి దర్శకత్వంలో, తాటి బాలకృష్ణ నిర్మిస్తున్న ఈ సినిమాలో రఘు బాబు, పృద్వి, ప్రభావతి తదితరులు కీలక పాత్రల్లో కనిపించనున్నారు.

దర్శకుడు శివ వరప్రసాద్ కేశనకుర్తి మాట్లాడుతూ ఈ చిత్రంలో ప్రేమ, సస్పెన్స్, కామెడీ అంశాలను గ్రామీణ నేపథ్యంతో మేళవించినట్లు తెలిపారు. ఆకాష్ – భైరవి అర్థ్యా జంట బావ – మరదలుగా నటిస్తున్నారని వెల్లడించారు. నిర్మాత తాటి బాలకృష్ణ మాట్లాడుతూ ప్రస్తుతం పోస్ట్ ప్రొడక్షన్ పనులు కొనసాగుతున్నాయని, త్వరలోనే సినిమా విడుదల తేదీని ప్రకటిస్తామని తెలిపారు. ఫస్ట్ లుక్‌కు ప్రేక్షకుల నుంచి మంచి స్పందన లభిస్తోంది.