‘రామాయణ’ నుంచి రణ్‌బీర్‌, సాయి పల్లవి ఫస్ట్‌ లుక్‌ విడుదల

బాలీవుడ్‌ ప్రముఖ దర్శకుడు నితీష్‌ తివారీ తెరకెక్కిస్తున్న ప్రతిష్టాత్మక పౌరాణిక చిత్రం ‘రామాయణ’ నుంచి వినాయక చవితి సందర్భంగా అదిరిపోయే అప్‌డేట్‌ వచ్చింది. రణ్‌బీర్‌ కపూర్‌ రాముడిగా, సాయి పల్లవి సీతాదేవిగా నటిస్తున్న ఈ చిత్రం నుంచి సీతారాముల ఫస్ట్‌ లుక్‌ పోస్టర్‌ను మేకర్స్‌ విడుదల చేశారు. సీతారాములు ఏకాంతంగా ఉన్న దివ్యమైన, అందమైన సందర్భాన్ని ఈ పోస్టర్‌లో చూపించారు. ప్రస్తుతం ఈ పోస్టర్‌ సామాజిక మాధ్యమాల్లో వైరల్‌గా మారింది. ఈ చిత్రంలో యష్‌ రావణాసురుడిగా, కాజల్‌ అగర్వాల్‌ మండోదరిగా, రకుల్‌ ప్రీత్‌ సింగ్‌ శూర్పణఖగా కనిపించనున్నారు.

‘రామాయణ’ చిత్రానికి మరో ప్రధాన ఆకర్షణ సంగీతం. హాలీవుడ్‌ ప్రముఖ సంగీత దర్శకుడు హాన్స్‌ జిమ్మర్‌ ఈ ప్రాజెక్ట్‌కు సంగీతం అందిస్తున్నారు. అత్యున్నత సాంకేతిక విలువలతో రూపొందుతున్న ఈ పౌరాణిక చిత్రాన్ని రెండు భాగాలుగా విడుదల చేయాలని మేకర్స్‌ నిర్ణయించారు. తొలి భాగాన్ని ఈ ఏడాది దీపావళి సందర్భంగా నవంబర్‌ 6న ప్రపంచవ్యాప్తంగా భారీగా విడుదల చేయనున్నారు. రెండో భాగాన్ని వచ్చే ఏడాది దీపావళికి ప్రేక్షకుల ముందుకు తీసుకురావడానికి సన్నాహాలు చేస్తున్నారు.