ఢిల్లీ పోలీసుల ఎదుట లొంగిపోనున్న తరుణ్‌ తేజ్‌పాల్‌

తెహల్కా మాజీ చీఫ్‌ ఎడిటర్‌ తరుణ్‌ తేజ్‌పాల్‌ సోమవారం ఢిల్లీ పోలీసుల ఎదుట లొంగిపోనున్నారు. సుప్రీంకోర్టు ఆదేశాల మేరకు ఆయన సరెండర్‌ కానున్నారు. 2013లో జూనియర్‌ మహిళా సహోద్యోగిపై లైంగిక దాడికి పాల్పడ్డారనే కేసులో తేజ్‌పాల్‌పై విచారణ జరిగింది. ఈ కేసులో గోవా బెంచ్‌ బాంబే హైకోర్టు ఆయనను దోషిగా నిర్ధారించి పదేళ్ల జైలు శిక్ష విధించింది. ఈ తీర్పును సవాలు చేస్తూ సుప్రీంకోర్టును ఆశ్రయించిన తేజ్‌పాల్‌, లొంగుబాటు నుంచి మినహాయింపు ఇవ్వాలని కోరారు. అయితే అప్పీల్‌ను విచారించాలంటే ముందుగా లొంగిపోవాలని సుప్రీంకోర్టు స్పష్టం చేసింది.

2013లో గోవాలో జరిగిన ఓ కార్యక్రమం సందర్భంగా హోటల్‌ లిఫ్ట్‌లో తేజ్‌పాల్‌ తనపై లైంగిక దాడికి పాల్పడ్డారని బాధితురాలు ఆరోపించారు. దీంతో అదే ఏడాది నవంబర్‌లో పోలీసులు ఆయనను అరెస్ట్‌ చేశారు. విచారణ అనంతరం 2021లో గోవా ట్రయల్‌ కోర్టు తేజ్‌పాల్‌ను నిర్దోషిగా ప్రకటించింది. అయితే ఈ తీర్పును గోవా ప్రభుత్వం బాంబే హైకోర్టులో సవాలు చేసింది. అప్పీల్‌ను విచారించిన హైకోర్టు ట్రయల్‌ కోర్టు తీర్పును కొట్టివేసి, తేజ్‌పాల్‌ను దోషిగా నిర్ధారించడంతో పాటు పదేళ్ల జైలు శిక్ష విధించింది.