రామాయణ టీజర్ కు సెన్సార్ క్లియరెన్స్

బాలీవుడ్ హీరో రణబీర్ కపూర్ ప్రధాన పాత్రలో, దర్శకుడు నితీష్ తివారీ రూపొందిస్తున్న పౌరాణిక చిత్రం ‘రామాయణ’ టీజర్‌కు సెంట్రల్ బోర్డ్ ఆఫ్ ఫిల్మ్ సర్టిఫికేషన్ అనుమతి లభించింది. దాదాపు మూడు వేల కోట్ల రూపాయల భారీ బడ్జెట్‌తో తెరకెక్కుతున్న ఈ చిత్రం దీపావళి సందర్భంగా విడుదలకు సిద్ధమవుతోంది. ‘రామ’ పేరుతో రాబోయే ఈ టీజర్‌కు గ్రీన్ సిగ్నల్ రావడంతో వచ్చే నెల 2న విడుదలకు మార్గం సుగమమైంది.

ఈ టీజర్ నిడివి 2 నిమిషాల 38 సెకన్లుగా ఉండనుందని సమాచారం. దీనికి యూనివర్సల్ రేటింగ్ ఇవ్వబడింది, అందువల్ల అన్ని వయసుల వారు ఈ టీజర్‌ను థియేటర్లలో వీక్షించవచ్చు. దీంతో ప్రేక్షకుల్లో ఆసక్తి మరింత పెరిగింది.

ఇప్పటివరకు చిత్రబృందం టైటిల్ వీడియోతో పాటు మూడు నిమిషాల ‘రామాయణ: ది ఇంట్రడక్షన్’ క్లిప్‌ను మాత్రమే విడుదల చేసింది. అందులో శ్రీరాముడిగా రణబీర్ కపూర్, రావణుడిగా యష్ లుక్స్ చూపించారు. ఇప్పుడు రాబోయే టీజర్ ఎలా ఉండబోతుందో చూడాలని అందరూ ఆసక్తిగా ఎదురుచూస్తున్నారు. ఈ చిత్రం ఈ ఏడాది దీపావళి సందర్భంగా ప్రపంచవ్యాప్తంగా విడుదల కానుంది.