‘నీ విషెస్ మాకు ఎంతో స్పెషల్’.. అల్లు అర్జున్ పోస్ట్‌కు రామ్ చరణ్ స్పందన

మెగా పవర్ స్టార్ రామ్ చరణ్ నటించిన ‘పెద్ది’ చిత్రం బాక్సాఫీస్ వద్ద విజయవంతంగా ప్రదర్శితమవుతోంది. బుచ్చిబాబు సనా దర్శకత్వంలో తెరకెక్కిన ఈ చిత్రంలో జాన్వీ కపూర్ హీరోయిన్‌గా నటించగా, జగపతిబాబు, దివ్యేందు, శివరాజ్ కుమార్, బోమన్ ఇరానీ కీలక పాత్రలు పోషించారు. సినిమా విజయంతో ఆనందం వ్యక్తం చేసిన అల్లు అర్జున్ సోషల్ మీడియా ద్వారా చిత్ర బృందాన్ని, ముఖ్యంగా రామ్ చరణ్‌ను అభినందించారు.

అల్లు అర్జున్ చేసిన పోస్టుకు స్పందించిన రామ్ చరణ్, “నీ విషెస్ నాకు, మొత్తం ‘పెద్ది’ టీమ్‌కు ఎంతో ప్రత్యేకం” అని పేర్కొన్నారు. అలాగే అల్లు అర్జున్ నటిస్తున్న ‘రాకా’ సినిమా కోసం ఆసక్తిగా ఎదురుచూస్తున్నానని తెలిపారు. ఈ ఇద్దరు స్టార్ హీరోల మధ్య జరిగిన ఈ స్నేహపూర్వక సంభాషణ సోషల్ మీడియాలో వైరల్‌గా మారగా, ఇండస్ట్రీలో సానుకూల వాతావరణాన్ని ప్రతిబింబిస్తోందని సినీ విశ్లేషకులు అభిప్రాయపడుతున్నారు.