పూజా కార్యక్రమాలతో ఘనంగా ప్రారంభమైన ‘R’ చిత్రం!

GMAA ఎంటర్టైన్మెంట్స్ బ్యానర్‌పై శిరీష సమర్పణలో రూపొందుతున్న కొత్త చిత్రం ‘R’ పూజా కార్యక్రమాలతో ఘనంగా ప్రారంభమైంది. దర్శక–నిర్మాత గోలి రామకృష్ణ తెరకెక్కిస్తున్న ఈ చిత్రానికి గాలి బాల కిరణ్ రెడ్డి సహ నిర్మాతగా వ్యవహరిస్తున్నారు. గ్రామీణ నేపథ్యంలో రూపొందనున్న ఈ సినిమా నేడు శ్రీ ప్రసన్నాంజనేయ స్వామి దేవాలయంలో ప్రత్యేక పూజలతో ప్రారంభమైంది. ఈ చిత్రంలో సంతోష్ కృష్ణన్, భాగ్య రెడ్డి, బ్రహ్మానందం రెడ్డి, దుర్గమ నాయుడు, పవన్, సిరి, సంధ్య, భాను చందర్, స్వాతి తదితరులు కీలక పాత్రల్లో కనిపించనున్నారు.

ఈ చిత్రానికి సినిమాటోగ్రాఫర్‌గా అశోక రెడ్డి కంకల్ల, ఎడిటర్‌గా మునీష్, కొరియోగ్రాఫర్‌గా శివాజీ పనిచేస్తున్నారు. చీఫ్ అసోసియేట్ డైరెక్టర్‌గా కడవకల్లు గణేష్, అసిస్టెంట్ డైరెక్టర్‌గా వేదాంత్ రాజ్ వ్యవహరిస్తున్నారు. ఈ నెల 20 నుంచి సినిమా షూటింగ్ ప్రారంభం కానుంది. రెండు షెడ్యూల్స్‌లో హైదరాబాద్ పరిసర ప్రాంతాల్లో చిత్రీకరణ పూర్తిచేసి, సందేశాత్మక కథాంశంతో అక్టోబర్ 17న ఈ చిత్రాన్ని ప్రేక్షకుల ముందుకు తీసుకురానున్నట్లు దర్శకుడు గోలి రామకృష్ణ తెలిపారు. సహ నిర్మాత గాలి బాల కిరణ్ రెడ్డి మాట్లాడుతూ, దర్శకుడికి సినిమాపై ఉన్న మక్కువ కారణంగానే విడుదల తేదీని ముందుగానే ప్రకటించామని వెల్లడించారు.