విశ్వనాథ్ అండ్ సన్స్‌కు విడుదలకు ముందే లాభాలు?

సూర్య కథానాయకుడిగా, మమిత బైజు కీలక పాత్రలో నటించిన ‘విశ్వనాథ్ అండ్ సన్స్’ విడుదలకు ముందే భారీ బిజినెస్‌తో వార్తల్లో నిలుస్తోంది. సితార ఎంటర్‌టైన్‌మెంట్స్ బ్యానర్‌పై తెరకెక్కుతున్న ఈ సినిమాకు ట్రైలర్, పాటలతో ఇప్పటికే పాజిటివ్ బజ్ ఏర్పడింది. సుమారు రూ.130 కోట్ల బడ్జెట్‌తో రూపొందిన ఈ చిత్రానికి థియేట్రికల్ హక్కులు రూ.90 కోట్లకు అమ్ముడైనట్లు సమాచారం. డిజిటల్, శాటిలైట్, ఆడియో హక్కుల ద్వారా మరో రూ.125 కోట్లు వచ్చినట్లు ట్రేడ్ వర్గాల్లో ప్రచారం జరుగుతోంది.

ఈ లెక్కల ప్రకారం ‘విశ్వనాథ్ అండ్ సన్స్’ ప్రీ-రిలీజ్ బిజినెస్ సుమారు రూ.215 కోట్లకు చేరుకున్నట్లు తెలుస్తోంది. దీంతో నిర్మాణ వ్యయంతో పోలిస్తే నిర్మాతలకు విడుదలకు ముందే దాదాపు రూ.85 కోట్ల టేబుల్ ప్రాఫిట్ వచ్చినట్లు అంచనా. సూర్యదేవర నాగవంశీ నేతృత్వంలోని సితార ఎంటర్‌టైన్‌మెంట్స్‌కు ఈ చిత్రం మరో ప్రతిష్టాత్మక ప్రాజెక్ట్‌గా మారింది. సంస్థ నుంచి ఇటీవల వచ్చిన ‘లెనిన్’ మంచి వసూళ్లు సాధించడంతో, ఇప్పుడు ‘విశ్వనాథ్ అండ్ సన్స్’ కూడా బాక్సాఫీస్ వద్ద ఎలాంటి ఫలితాన్ని అందుకుంటుందనే ఆసక్తి నెలకొంది.