మహిళల 200 మీటర్ల పరుగులో భారత్‌కు కాంస్యం...

ఆసియా క్రీడల్లో మహిళల 200 మీటర్ల పరుగులో భారత్‌కు కాంస్య పతకం లభించింది. భారత అథ్లెట్‌ హరిత భద్ర 23.20 సెకన్లలో రేసును పూర్తి చేసి మూడో స్థానంలో నిలిచి కాంస్యం సాధించింది. ఇదే విభాగంలో పోటీపడిన మరో భారత అథ్లెట్‌ ఉన్నతి 23.46 సెకన్లలో రేసును ముగించి ఆరో స్థానానికి పరిమితమైంది.

ఈ పోటీలో సింగపూర్‌కు చెందిన శాంతి పెరీరా స్వర్ణ పతకం సాధించగా.. చైనాకు చెందిన చెన్ యుజీ రజతం గెలుచుకుంది. హరిత భద్ర కాంస్య పతకంతో ఆసియా క్రీడల్లో భారత అథ్లెటిక్స్‌ పతకాల ఖాతాలో మరో పతకం చేరింది.