మరో దేవుడి కథతో రాబోతున్న ప్రశాంత్ వర్మ..?

ప్రశాంత్ వర్మ సినిమాటిక్ యూనివర్స్‌పై భారీ అంచనాలు కొనసాగుతున్నాయి. ‘హనుమాన్’ విజయంతో పాన్ ఇండియా స్థాయిలో గుర్తింపు పొందిన ప్రశాంత్ వర్మ, ఇప్పుడు కుమారస్వామి నేపథ్యంలో మరో పౌరాణిక చిత్రాన్ని ప్లాన్ చేస్తున్నట్లు సమాచారం. ఈ ప్రాజెక్టుకు ఆయన కథ అందించడంతో పాటు నిర్మాణ పర్యవేక్షణ మాత్రమే చేయనుండగా, దర్శకత్వ బాధ్యతలను సముద్రఖని చేపట్టనున్నట్లు టాక్ వినిపిస్తోంది.

ఈ ప్రాజెక్టుకు సంబంధించిన చర్చలు తుది దశకు చేరుకున్నాయి. త్వరలోనే అధికారిక ప్రకటన వచ్చే అవకాశముంది. మరోవైపు ప్రశాంత్ వర్మ ప్రస్తుతం రిషబ్ శెట్టి హీరోగా ‘జై హనుమాన్’ చిత్రాన్ని తెరకెక్కిస్తున్నారు. మైత్రీ మూవీ మేకర్స్ నిర్మిస్తున్న ఈ సినిమా ఇటీవలే ఘనంగా ప్రారంభమైంది. పౌరాణిక కథలతో తన యూనివర్స్‌ను విస్తరించాలనే లక్ష్యంతో ప్రశాంత్ వర్మ ముందుకు సాగుతున్నాడు.