ఐఎస్‌ఎస్‌కు విజయవంతంగా చేరుకున్న అనిల్ మేనన్

భారత సంతతికి చెందిన వ్యోమగామి అనిల్ మేనన్, మరో ఇద్దరు రష్యన్ వ్యోమగాములతో కలిసి రష్యా సోయుజ్ ఎంఎస్ 29 వ్యోమనౌకలో అంతర్జాతీయ అంతరిక్ష కేంద్రం (ఐఎస్‌ఎస్)కు విజయవంతంగా చేరుకున్నారు. కజకిస్థాన్‌లోని బైకనూర్ కాస్మోడ్రోమ్ నుంచి మంగళవారం రాత్రి 8:17 గంటలకు రాకెట్ ప్రయాణం ప్రారంభమైంది.

ప్రయాణం ప్రారంభమైన ఎనిమిది నిమిషాల్లోనే వ్యోమనౌక ప్రాథమిక కక్ష్యలోకి చేరుకుంది. అనంతరం మూడు గంటల ప్రయాణం తర్వాత రాత్రి 11:52 గంటలకు ఐఎస్‌ఎస్‌తో విజయవంతంగా అనుసంధానమైంది. బుధవారం తెల్లవారుజామున 2 గంటలకు అనిల్ మేనన్, మరో ఇద్దరు రష్యన్ వ్యోమగాములు అంతరిక్ష కేంద్రంలోకి ప్రవేశించి తమ మిషన్‌ను ప్రారంభించారు.